हामी मगन्ते पुर्खाका सन्तान होईनौ : प्रधानमन्त्री ओली
प्रकाशित मिति : चैत्र ८, २०७५ शुक्रबार
रुपन्देहीको तिलोत्तमा नगरपालिका वडा नम्बर ३ मा सरकारी स्तरको मेडीकल कलेज बन्ने निश्चित भएको छ । बिभिन्न शंका र आंकलनका बिच आज एक कार्यक्रमका बिच प्रधानमन्त्री केपी शर्मा ओलीले कलेजको पुर्वाधार निर्माण बिकास परियोजना कार्यालयको उदघाटन गर्नुभए पछि मेडिकल कलेज बन्ने निश्चित भएको हो ।
शुक्रबार एक कार्यक्रमका विच प्रधामन्त्री ओलीले बुटवल मेडिकल कलेज परियोजना कायान्वयन एकाईको कार्यालय संगै परियोजानको शुभारम्भ गर्नुभएको छ । सुभारम्भ कार्यक्रममा बोल्दै प्रधानमन्त्री केपी शर्मा ओलीले अब उपचारको अभावका कुनै पनि व्यक्तिले ज्यान गुमाउनुपर्ने दिन गएको बताउनु भयो ।
प्रधानमन्त्री ओलीले नेपाल मगन्ते देश नभएको बताउंदै नेपाल मगन्तेहरुको देश नभएकाले आफ्नै देशका प्राकृतिक स्रोत सदुपयोग गरेर समृद्ध मुलुक बनाइने बताउनुभयो । उहांले खनिज, पेट्रोल, फलाम, सुन जस्ता खानी रहेकाले नेपाल आफैंमा सम्पन्न राष्ट्र भएको तर्क गर्नुभयो ।
सरकारले चौतर्फी विकासको लहर ल्याउन थालेपछि केहीलाई आफ्नो दोकान बन्द होलान् भन्ने पीर परेको प्रधानमन्त्री ओलीले भनाई थियोे ।
कार्यक्रममा बोल्दै पुर्व अर्थ मन्त्री तथा रुपन्देही क्षेत्र नम्बर २ का संसाद विष्णु प्रसाद पौडेलले प्रधानमन्त्रीबाट उद्घाटन भएको कार्यालय र मेडिकल परियोजना प्रधानमन्त्रीकै कार्यकालमा पुरा हुने धारणा राख्नुभयो ।
पौडेल अर्थमन्त्री हुंदा प्रत्यक प्रदेशमा एक एक वटा सरकारी मेडिकल कलेज बनाउन भन्दै अध्ययन गर्न बजेट बिनियोजन भएको थियो । कलेजका लागि जग्गा तथा सम्भाब्यता अध्ययन गर्न सरोज ओझाको संयोजकत्वमा एक समिती समेत बनेको थियो । सोहि समितीको सिफारिसका आधारमा शंकरनगरको बन क्षेत्रको २ सय बिगाहा जग्गामा मेडिकल कलेज बन्ने तयारी गरिएको छ ।