चाउचाउका बिस्कुटका खोल सडकमा जथाभावी फाल्नेमाथि महानगरको निगरानी, अटेर गरे ५० हजार जरिवाना
प्रकाशित मिति : माघ ८, २०७५ मंगलबार
काठमाडौं महानगरपालिकाले जथाभावी चकलेट ,बिस्कुट, चाउचाउ, आदिको खोल फाल्नेलाई निगरानी राख्दै जरिवाना लगाउने भएको छ । महानगरलाई स्वच्छ सफा बनाउने अभियानस्वरुप अब सार्बजनिक स्थानमा बिस्कुट, चाउचाउ, पानपराग, गुट्खा आदिका खोल फ्याँक्नेलाई महानगरपालिकाले फोहोरमैला व्यवस्थापन ऐन बमोजिम ५ हजार देखि ५० हजाररुपैयाँसम्म जरिवाना गर्ने बताएको छ ।
महानगरपालिकाले घर, पसलबाट फोहोर र फूटपाथमा हिड्ने बटुवाहरुबाट सडक तथा सार्वजनिक स्थानमा आफूले प्रयोग गरेका वस्तुको खोलहरु फाल्नेमाथि निगरानी बढाएको छ ।यसकालागि लागि महानगरपालिकाले शहरका विभिन्न स्थानमा स्मार्ट डस्टबिन राख्न शुरु गरेको छ ।
महानगरपालिकाले तोकिएको स्थानमा तोकिएको समयमा राखेको नपाइेमा अनुगमन नियमन र नियन्त्रणमा आउने टोलीमार्फत कारवाही गर्ने चेतावनी दिएको छ ।
महनगरका एक अधिकारीका अनुसार शहरलाई स्वच्छ राख्न सुरुमा जनचेतनाका लागि प्रचारप्रसार गर्ने र अझै अटेर गरे कारवाही गर्ने योजना छ ।