अष्ट्रेलियाको एयरपोर्टमा मोबाइल चेक भएपछि पक्राउ परे एक भारतीय विद्यार्थी
प्रकाशित मिति : आश्विन २५, २०७५ बिहीबार
अष्ट्रेलियाको पर्थ एयरपोर्टमा एक भारतीय विद्यार्थी पक्राउ परेका छन् । २१ वर्षका ती विद्यार्थीको भिजिटर भिसा रद्द भएको छ भने थप कारबाही समेत हुने भएको छ ।
ती युवक ९ अक्टोबरमा क्वालालम्पुरको फ्लाइटबाट आएका थिए । अष्ट्रेलियन बोर्डर फोर्सका अधिकारीहरुले उनको झोलाहरु जांच गरेपछि मोबाइल फोन जांच गरे ।
उनको मोबाइल फोनमा अश्लिल सामग्री ( नौ वटा भिडियो र ६ वटा फोटो ) भेटिए । र ती सामग्रीहरुमा बालबालिकालाई यौन गतिविधिमा संलग्न गराइएको थियो । अधिकारिहरुले उनको मोबाइल फोन जफत गरेर उनलाई पक्राउ गरेको थियो ।
बालबालिकालाई गलत काममा लगाइनुलाई अष्ट्रेलियामा गम्भीर अपराधको रुपमा लिइन्छ ।
स्रोत : एसबिएस न्युज