भारतमा कञ्चनपुरका एक नेपालीको घाँटी रेटेर हत्या
प्रकाशित मिति : आश्विन ११, २०७५ बिहीबार
रोजगारीको सिलसिलामा भारतको राजधानी दिल्लीमा लामो समयदेखि सेक्युरिटी गार्डको काम गर्दै आएका कञ्चनपुरको बेलडाँडी गाउँपालिका – ९ का ६५ वर्षिय राम बहादुर सार्कीको घाँटी रेटी हत्या भएको छ । दिल्लीको सब्दरजन इन्किलिपमा बुधबार राती २ बजेतिर घाटी रेटि हत्या भएको दिल्ली प्रहरीले पुष्टि गरेको छ ।
डि.सि.पी. साउथ इन्डियन नामले फेसबुक खोलेका भारतको नागाल्यान्डका एक ब्यक्तीले हत्या गरेको दिल्ली प्रहरीले जनाएको छ । सिसिटिभी क्यामराको सहायतामा दिल्ली प्रहरीले अभियुक्तलाई पक्राउ गरेको जनाएको छ ।
नाम सार्वजनिक नगरिएका उक्त अभियुक्तलाई नियन्त्रणमा लिएर अनुसन्धान भईरहेको महाजित (राहुल)ले हाम्रै साझा पत्रीकालाई जानकारि दिएका छन ।
प्रहरी अनुसन्धानमा अभियुक्तले कसुर स्वीकार गरेको प्रहरीले जनाएको छ । अभियुक्तले आफू सधैँ रातीमा आउने गरेको र आउँदा सधै आफुलाई सधै केरकार गर्ने हुँदा रिसको झोकमा चक्कु प्रयोग गरि हत्या गरेको दिल्ली प्रहरीसंगको बयानमा अभियुक्तले बताएका छन । यद्यपि घटनाको अनुसन्धान जारी रहेको दिल्ली प्रहरीले जनाएको छ ।सार्की लामो समयदेखि दिल्लीमा आफ्नो स-परिवार सहित बस्दै आएका थिए । १०/१२ बर्ष देखी सेक्युरिटी गार्डको काम गर्दै आएका उनको कसै संग पनि दुश्मनी नभएको उनका जेठा छोरा प्रकाश सार्कीले बताए । मिलनसार स्वभावका आफ्ना पितालाई बिनाकारण हत्या गरेकाले दोषीलाई हदैसम्मको कारबाहि हुनुपर्ने बताए ।
अधिकांश अशिक्षित र गरिव वर्गका नेपाली यसरी भारत पुगेर काम गर्ने गर्दछन । विभिन्न समयमा आउने कानुनी जटिलता तथा अन्यायमा पर्दा समेत नेपाली समस्या पर्ने गरेका छन
पछिल्लो समय, कामको खोजीमा भारत पुग्ने र बिनाकारण ज्यान गुमाउनेको सङ्ख्या दिनानुदिन बड्दो क्रममा भैरहेता पनि नेपाल सरकार र सरोकारवाला निकायको ध्यानाकर्षण हुन सकेको छैन । भारतका विभिन्न शहरमा नेपालीले अनाहकमा ज्यान गुमाउदा न्याय तथा क्षतिपूर्ति पाउन निकै कठिन हुने नेपाली समाजका अगुवाहरु बताउछन ।