आठ वर्षपछि कमब्याकको तयारीमा सुष्मिता सेन
प्रकाशित मिति : भाद्र १९, २०७५ मंगलबार
बलिउड अभिनेत्री सुष्मिता सेन लामो समयदेखि गुमनाम छिन् । आठ वर्षअघि आएको फिल्म ‘नो प्रोब्लम’ पछि उनी सिल्भर स्क्रिनमा देखिएकी छैनन् । न त उनले बिहे नै गरिन् ।अब भने सुष्मिताले फिल्ममा कमब्याक गर्न लागेको बताइन्छ । समाचार अनुसार उनले एउटा फिल्म साइन गरिसकेकी छिन् । यसमा उनले एक प्रहरी अधिकृतको भूमिका निभाउनेछिन् । नयाँ निर्देशकले निर्देशन गर्ने यस फिल्मको नाम अझै तय भएको छैन ।
सुष्मितासँग निकटवर्तिहरुका अनुसार धेरै वटा फिल्मका स्क्रिप्ट चित्त नबुझेर फर्काइदिएपछि यो स्क्रिप्ट ओके गरेकी हुन् । फिल्ममो उनकै लिड रोल रहने छ । यसै वर्षको अन्त्यदेखि फिल्मको सुटिङ सुरु हुने बताइएको छ । फिल्मको औपचारिक घोषणा केही दिनभित्रै गरिने छ ।
सुष्मिता सेन सन् १९९४ मा मिस यूनिभर्स भएपछि बलिउडमा प्रवेश गरेकी थिइन् । यद्यपि, उनको फिल्मी करिअर त्यति उम्दा रहन सकेन ।
