भूकम्पको ३ वर्ष तर रंगासाला उस्तै के १० महिनामा पुरा होला त ? (फोटो फिचर)
प्रकाशित मिति : बैशाख १२, २०७५ बुधबार
२०७२ वैशाख १२ गतेको भुकम्पमा भत्किएको देशको एउटा मात्र अन्तराष्ट्रिय रंगशाला दशरथ रंगशाला पुनर्निर्माणको काम अझै सकिएको छैन । रंगशाला पुनर्निर्माण नसकिँदा त्यहाँ आयोजना हुँदै आएका राष्ट्रिय तथा अन्तर्राष्ट्रिय प्रतियोगिताहरु सातदोबाटोस्थित एन्फा टेक्निकल सेन्टर तथा अरु मैदानमा हुने गरेको छ । ढिलो गरीसुरु भएको रंगशाला पुनर्निर्माणको काम अबकोे १० महिनामा सकिने राष्ट्रिय खेलकुद परिषदले जनाएको छ । १० महिनामा प्रतियोगिताकै लागि रंगशाला तयार हुने परिषदका सदस्य सचिव केशव कुमार विष्टको दावि छ । पुनर्निर्माणका लागि विभिन्न चरणका प्रकृया पुरा गर्नुपर्ने भएकाले काम ढिलो सुरु भएको विष्टको भनाइ छ ।
