घर किन्न चाहनेलाई मौका, ज्याक्सनहाइटमा आज मेला
प्रकाशित मिति : चैत्र २४, २०७४ शनिबार
न्युयोर्कमा रहेको दक्षिण एसियाली समुदायको शशक्तिकरणका लागि कृयाशिल संस्था छाया सीडीसीको आयोजनामा घर किन्न चाहनेहरुलाई लक्ष्यित गरेर आज न्युयोर्कको ज्याक्सनहाइटमा घर क्रेता मेलाको आयोजना गरिएको छ । मेला ज्याक्सनहाइटको पीएस ६९ मा आज दिउसो साढे १२ बजेदेखि ५ बजेसम्म हुनेछ ।
गैर नाफामुलक संस्था छाया सीडीसीले आयोजना गरेको यो नवौं घर क्रेता मेला हो । नेपाली, हिन्दी, बंगाला, उर्दु, तिब्बती र अँग्रेजी भाषामा समेत सेवा प्रदान गर्दै आएको यो संस्थाले आयोजना गर्ने यस्तो मेलाबाट न्युयोर्कमा घर किन्न चाहनेहरु निशुल्क लाभान्वित हुदै आएका छन् ।
मेलामा घर किन्ने प्रकृया, फाइनान्सिङ र मोर्गेजका विकल्पहरु, एकमुष्ठ पेमेन्टका लागि ग्रान्टका विकल्पहरु लगायतका विषयमा निशुल्क जानकारी लिन सकिनेछ ।
