किमले बेइजिङ भ्रमण गरेको चीनद्वारा पुष्टि


प्रकाशित मिति : चैत्र १४, २०७४ बुधबार

चिनियाँ राष्ट्रपति सि जिनपिङले उत्तर कोरियाली नेता किम जङ अनसँग बेइजिङमा छलफल गरेका छन्।

चिनियाँ राजधानीमा उत्तर कोरियाली नेतृत्वसँग सम्बन्धित एउटा रेल देखिएपछि किम सात वर्षपछि पहिलो पटक विदेश भ्रमणमा गएको ठानिएको थियो।

संयुक्त राज्य अमेरिकासँग आफ्नो परमाणु र बलिस्टिक क्षेप्यास्त्र कार्यक्रमबारे उत्तर कोरियाले गर्न लागेको भनिएको वार्ताको अघि यो भ्रमण भएको हो।

चीनले परम्परागत रुपमा नै प्योङयाङसँगका अन्तराष्ट्रिय वार्ताहरूको मध्यस्तता गर्दै आएको छ।

भूमिका

किम

 

तर आगामी वार्ताहरूमा बेइजिङको भूमिका के हुन्छ भनेर प्रष्ट भइसकेको छैन्।

केही दिनको अडकलबाजीपछि चीनको सिन्हुवा समाचार संस्थाले उत्तर कोरियाली नेताले बेइजिङको भ्रमण गरेको पुष्टि गरेको हो।

यसअघि यसै हप्ताको सुरुमा जापानी सञ्चारमाध्यमहरूले एउटा विशेष रेलमा एक जना उच्च पदस्थ व्यक्तित्व चीन आइपुगेको विवरण प्रकाशन गरेका थिए।

सिन्हुवा समाचार संस्थाले राष्ट्रपति सी र किमबीचको भेटवार्तालाई ‘सफल’ भनेको छ।

सन् २०११ मा सत्ता सम्हालेयता यो किमको पहिलो विदेश भ्रमण हो।

BBC Nepali

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com