थप यौन दुराचार आरोपपछि अमेरिकामा नेपाली तेक्वान्दो गुरु पुन पक्राउ (भिडियो )
प्रकाशित मिति : फाल्गुन ३०, २०७४ बुधबार
थप दुईजना बालिकामाथि यौन दुराचार गरेको अभियोगपछि अमेरिकाको पोर्टल्याण्ड निवासी नेपाली तेक्वान्दो प्रशिक्षक सुद्धोधन रञ्जित पुन पक्राउ परेका छन् । तेक्वान्दो सिकाउने क्रममा ५१ बर्षीय रञ्जितले बालिकाहरुमाथि यौन दुब्र्यबहार गरेको आरोप छ ।
१४ बर्षभन्दा कम उमेरका बालिकामाथि यौन दुब्र्यबहार गरेको रञ्जितमाथि आरोप छ । रञ्जितमाथिका नयाँ दुईवटा अभियोग फस्ट डिग्री यौन दुब्र्यबहारका र दुईवटा सेकेण्ड डिग्री यौन दुब्र्यबहारका छन् ।
सन् २०१२ देखि सन् २०१५ को बीचमा १४ बर्ष मुनीका बालिकामाथि यौन दुब्र्यबहार गरेको उजुरीपछि उनलाई गत नोभेम्बरमा पनि पक्राउ गरिएको थियो । तर पछि उनलाई २ लाख ५० हजार डलर धरौटीमा रिहा गरिएको थियो ।
नोभेम्बरको सुुनुवाईमा रञ्जितले आफू निर्दोष रहेको र आफूहरुलाई फसाउन खोजिएको दावी गरेका थिए । अहिले पुन पक्राउ पछि जेलमा राखिएका रञ्जितको आगामी अप्रिलमा पुन सुनुवाई रहेको छ । पक्राउपछि हिजोपनि उनलाई अदालतमा उपस्थीत गराइएको थियो भने अर्को सुनुवाई अप्रिल २ मा रहेको छ ।