Follow @khasokhasmag

पुष्पलाल खोज्दै दिल्लीतिर


प्रकाशित मिति : फाल्गुन २३, २०७४ बुधबार

नेपाल कम्युनिस्ट पार्टीका संस्थापक महासचिव पुष्पलाल श्रेष्ठका विषयमा खोजी गर्दै एक टोली भारतको नयाँ दिल्लीतिर लागेको छ ।

वृत्तचित्र ‘तीन लाल’मा समेटिने पुष्पलालका विषयमा निर्देशक श्रीहरि श्रेष्ठको नेतृत्वमा भारतका सम्बन्धित ठाउँमा छायांकन हुनेछ । यो वृत्तचित्रमा पुष्पलालसहित कृष्णलाल अधिकारी, गंगालाल श्रेष्ठ समेटिने निर्देशक श्रेष्ठले जानकारी दिए ।

भारत गएको टोलीमा एमाले नेताहरू देवशंकर पौडेल, लोककृष्ण भट्टराईसहित सन्दीप अर्याल छन् । पुष्पलालपुत्र उमेश श्रेष्ठ पनि तत्काल भारत जाने जनाइएको छ । युवा उद्यमी किरण मोक्तानले टोलीलाई बिदाइ गरेकी थिइन् ।

वृत्तचित्र निर्माण पक्षका अनुसार नयाँ दिल्लीस्थित गोविन्दपल्लब पन्त अस्पतालमा निर्वासनकै क्रममा पुष्पलालको निधन भएको थियो । तत्कालीन नेपाल सरकारले उनको पार्थिव–शरीर ल्याउन नदिएपछि निगमबोध घाटमा उनको दाहसंस्कार गरिएको थियो ।

यी ठाउँसँगै कोलकाता, पटना, दरभंगा, गोरखपुर, वनारस, फारबिसगन्ज, लखनउलगायत क्षेत्रमा वृत्तचित्र छायांकन गरिने निर्देशक श्रेष्ठले बताए । पुष्पलालसँग संगत गरेका भारतीय नेतासँग कुराकानी पनि गरिने जनाइएको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com