सुरक्षा गार्डको सिटी सेन्टरबाट खसेर मृत्यु
प्रकाशित मिति : फाल्गुन १८, २०७४ शुक्रबार
फागुन १८, काठमाडौं । काठमाडौंको कमलपोखरीस्थित सिटी सेन्टर सपिङ मलबाट खसेर एक सुरक्षा गार्डको मृत्यु भएको छ । मलको चौथो तलाबाट खसेर गार्डको मृत्यु भएको हो ।
मृत्यु हुनेमा पाँचथर फिदिमका २६ वर्षीय रविन भुजेल छन् । भुजेल मलमा सुरक्षागार्डको रुपमा कार्यरत थिए । शुक्रवार बिहानै मलबाट खसेका भुजेलको घटनास्थलमै मृत्यु भएको महानगरीय प्रहरी बृत्त कमलपोखरीले जनाएको छ ।
भुजेलका आफन्तले घटना शंकास्पद भएको भन्दै सत्यतथ्य छानविनको माग गरेका छन् । आफन्तले घटनाको छानविन गर्न माग गरेपछि प्रहरीले घटनाबारे अनुसन्धान थालेको छ ।