चैतको पहिलो हप्तासम्म नयाँ पार्टी बन्छ : प्रचण्ड
प्रकाशित मिति : फाल्गुन १८, २०७४ शुक्रबार
फागुन १८, अछाम । माओवादी केन्द्रका अध्यक्ष प्रचण्डले संघीय समाजवादी फोरम पनि सरकारमा सहभागी हुने बताएका छन् । अछाम पुगेका प्रचण्डले फोरम सरकारमा सहभागी हुने सहमति भइसकेको बताए ।
उपेन्द्र यादव नेतृवको पार्टी सरकारमा सहभागी भएपछि संविधान संशोधनको प्रक्रिया अघि बढाउन एमाले र माओवादी केन्द्र तयार भइसकेको जानकारी दिए ।
राजनीतिक छलफल र सहमतिका आधारमा संविधान संशोधन गरिने प्रच्रण्डको भनाइ छ । अध्यक्ष प्रचण्डले संघीय सरकारको पूर्णता पाएसंगै आफूहरु सुशासन र समृद्धि सहितको विकास निर्माणमा केन्द्रित हुने बताए ।
एमाले र माओवादी केन्द्रबीचको एकता चैत पहिलो साताभित्र हुने भन्दै उनले, छिटो भयो भने यही महिनाको लाष्ट, अलि ढिलो भयो भने चैतको पहिलो हप्तासम्म नयाँ पार्टी बन्छ’ भने ।