विभानस्थलको भन्सार कार्यालयका नासु ५० हजार घुससहित रंगेहात पक्राउ
प्रकाशित मिति : फाल्गुन १३, २०७४ आईतबार
फागुन १३, काठमाडौं । त्रिभुवन अन्तर्राष्ट्रिय विभानस्थलको भन्सार कार्यालयमा कार्यरत एक नायव सुब्बा ९नासु० ५० हजार रूपैयाँ घुससहित रंगेहात पक्राउ परेका छन् ।
विमानस्थल भन्सार कार्यालयको हीरा, सुन, चाँदीजस्ता बहुमूल्य धातु परीक्षण गर्ने कक्षमा कार्यरत नासु राजदीप शाक्य ५० लाख घुससहित पक्राउ परेका हुन् ।
शाक्यलाई आइतवार साँझ पक्राउ गरिएको अख्यिार दुरुपयोग अनुसन्धान आयोगले जनाएको छ । निजामती सेवामा शाखा अधिकृत पदबाट अवकाशप्राप्त उनी करार सेवामा नासु पदमा कार्यरत थिए ।
नासु शाक्यले दुई टन चाँदी भन्सार पास गराउँदा प्रतिटन २५ हजारका दरले घुस मागेका थिए । सोही सूचनाका आधारमा उनलाई रंगेहात पक्राउ गरिएको अख्तियार स्रोतले जनाएको छ ।