बालिका बलात्कार गर्ने विनोद चौधरी पक्राउ
प्रकाशित मिति : फाल्गुन ४, २०७४ शुक्रबार
–महिला खबर–
कञ्चनपुर । बालिका बलात्कारको आरोपमा कृष्णपुर नगरपालिका– ४ ढैयाका २० वर्षीय विनोद चौधरीलाई प्रहरीले हिजोसाँझ पक्राउ गरेको छ । बिहीवार १३ वर्षीया बालिकालाई बलात्कार गरेको आरोपमा चौधरीलाई पक्राउ गरिएको जिल्ला प्रहरी कार्यालय कञ्चनपुरका प्रहरी नायब उपरीक्षक ज्ञानबहादुर सेटीले बताए ।
विद्यालय जाँदै गरेकी उनलाई चौधरीले नवदुर्गा सामुदायिक वनमा लगी बलात्कार गरेको प्रहरीले जनाएको छ। बलात्कारपछि बेहोश बालिकाको उद्धार गरी प्रहरीले अस्पताल भर्ना गरेको थियो । चौधरीमाथि कानुनी प्रक्रिया अगाडि बढाएको प्रहरीले जनाएको छ।