देउवा सरकारले राजीनामा दिएको २० मिनेटमै नेप्सेमा वृद्धि
प्रकाशित मिति : फाल्गुन ३, २०७४ बिहीबार
फागुन ३, काठमाडौं । लामो समयसम्म ओरालो लागेको नेप्से परिसूँचक देउवा सरकार बर्हिगमनसँगै २० मिनेटमै एकोहोरो बढेर १४ सय ६ विन्दुमा पुगेको छ ।
नेप्सेमा १७ अंकको वृद्धि भएको छ । कारोबारमा आएका सबै समूहको परिसूचक बढेको छ ।
राजनीतिक आडमा बढेको बजारमा ठुला लगानीकर्ताले मात्र कमाइ गर्ने लगानीकर्ताहरु बताउछन् ।
‘बजारको वृद्धिमा नितान्त राजनीतिक कारण छ,’ नेपाल सेयरलगानीकर्ता संघका अध्यक्ष उत्तम अर्यालले भने । सरकारबाट आवश्यक सम्बोधन नभएमा भने यसको लाभ ठुलालेमात्र लिन पाउने अर्यालको भनाई छ ।
उनी बजारप्रति सरकारको आधिकारिक धारणा आउन पर्ने, सरकारले पुँजी बजार बिकासको लागि सहजीकरण गर्नुपर्ने बताउँछन् ।