प्रहरीको हतियार लुट्ने पक्राउ
प्रकाशित मिति : माघ १७, २०७४ बुधबार
बारा १७ माघ । प्रहरीमाथि आक्रमण गरी हतियार लुटेर भाग्ने तस्कर समूहका एक जना पक्राउ परेका छन् ।
बारा प्रहरीले कलैया उपमहानगरपालिका बडा नम्बर १२ धर्मनगरका ५१ वर्षीय रामलाल साह गोढलाई पक्राउ गरी बुधबार सार्वजनिक गरेको हो ।
गत बैशाख ११ गते कलैया उपमहानगरपालिका वडा नं.१२ धर्मनगर स्थित नेपाल ईट्टा उद्योग नजिकको सडकमा पका साह समेतका २/३० जना व्यक्तिहरुले भारतबाट भन्सार छली ल्याएको सामान नियन्त्रणमा लिन खोज्दा उल्टै प्रहरीमाथि आक्रामण भएको थियो ।
तस्करहरुको समुहले ज्यान मार्ने उदेश्यले प्रहरी टोली माथी ईट्टा, ढुङ्गा समेतले सांघातिक आक्रमण गरीसर्टगन थान–१ समेत लुटेका थिए । पछि खोजतलाशको क्रममा ईट्टा भट्टामा रहेको काचो ईट्टाको चेपमा लुकाई छिपाई राखेको अवस्थामा सर्टगन भेटिएको थियो ।
पक्राउ परेका शाहमाथि डाँका तथा ज्यान मार्ने उद्योग मुद्दामा बारा जिल्लाबाट म्याद अनुमति लिई हिरासतमा राखी आवश्यक अनुसन्धान भई रहेको डिएसपी भुवर्नेश्वर साहले जानकारी दिएका छन् ।