उत्तर कोरियाली राजदूत किम ह्योङ गिललाई लाई ३ दिनभित्र मुलुक छोड्न मेक्सिकोको आदेश
प्रकाशित मिति : भाद्र २३, २०७४ शुक्रबार
मेक्सिकोले उत्तर कोरियाली राजदूत किम ह्योङ गिललाई लाई ३ दिनभित्र मुलुक छोड्न आदेश दिएको छ । मेक्सिकोको विदेश मन्त्रालयले उत्तर कोरियाले गत आइतबार गरेको हाइट्रोजन बम सहितको परमाणु परिक्षणको विरोध गर्दै सो कदम चालेको जनाएको छ ।
उत्तर कोरियाले गरेको सो परिक्षण अन्तर्राष्ट्रिय कानुन बिपरीत भएकोले आफुलाइ अस्वीकार्य भएको मेक्सिकोको भनाइ छ ।
उत्तर कोरियाको कदमले साझेदार जापान र दक्षिण कोरियालाई जोखिममा पारेको भन्दै मेक्सिकोले आफु उत्तर कोरियाको पक्षमा उभिन नसक्ने प्रष्ट पारेको छ । मेक्सिकोको कदमबारे उत्तर कोरियाको प्रतिक्रिया भने सार्वजनिक भएको छैन ।