ग्रिनकार्ड पाउने नियममा व्यापक परिवर्तन, जालसाजीबिरुद्ध लड्ने सरकारी तयारी

नेपालीहरुले व्यापक उपयोग गर्दै आएको अमेरिकामा जागिरको अफर बिना नै दक्षताका आधारमा ग्रिनकार्ड पाउने ‘एक्स्ट्राअर्डिनरी एबिलिटी’को नियममा अमेरिकी सरकारले नयाँ नियम ल्याएको छ । व्यापक परिवर्तनसहित ल्याइएको यो नियम आगामी जनवरी १७ देखि लागु हुनेछ ।

विज्ञान, कला, शिक्षा, व्यापार र खेलकुदका क्षेत्रमा आफूलाई एक्स्ट्राअर्डिनरी प्रमाणित गरेर ग्रिनकार्ड पाउने लगायत ईबी वान, टू र थ्रीका नियममा व्यापक परिवर्तन गरिएको हो । नियम परिवर्तन सहित यस्ता ग्रिनकार्डका लागि हुने जालसाजी रोक्न अमेरिकी सरकारको युएससीआईएसले विशेष योजना ल्याएको छ ।

जालसाजी भएको प्रमाणित भएमा स्वीकृत भइसकेका आवेदन समेत खारेज हुनसक्ने सम्मको नियम युएससीआईएसको रहेको छ । कसैले जालसाजी गरेको सुचना पाएमा त्यो सुचना प्रदान गर्नका लागि युएससीआईएसले इमेल ठेगाना र हुलाकको ठेगाना समेत प्रदान गरेको छ ।

अमेरिकाले वर्षेनी दर्जनौं नेपालीहरुलाई असाधारण प्रतिभा (एक्स्ट्रा अर्डिनरी एबिलिटी ) का रुपमा स्वीकारेर ग्रिनकार्ड प्रदान गर्दै आएको छ । यसरी ग्रिनकार्ड पाउनेहरु अधिकांश नेपाली कलाकारहरु रहेका छन् । त्यो बाहेक पत्रकार, प्रोफेसर, शोधकर्ताहरु, बहुराष्ट्रिय कम्पनीका मेनेजरहरु र त्यस्ता कम्पनीका उच्च अधिकारीहरुले समेत असाधारण क्षमताका आधारम ग्रिनकार्ड प्राप्त गरेका छन् ।

गत आर्थिक बर्ष २०१५ मा मात्र ७६ जना नेपालीहरुले असाधारण योग्यताका आधारमा ईबी वान क्याटेगोरिमा ग्रिनकार्ड प्राप्त गरेका थिए । त्यस्तै २०१५ मा इबी टु क्याटेगोरीबाट ९१९ जना र इबी थ्री क्याटेगोरीबाट ३७७ जना नेपालीहरु ग्रिनकार्डका लागि योग्य ठहरिएका थिए ।

यसबारेको विस्तृत समाचार खसोखास साप्ताहिकमा प्रकाशित गरिनेछ ।

मङ्लबार, पुस १२, २०७३ मा प्रकाशित

सम्बन्धित सामाग्री

 

Like us on Facebook
Close
Please Like us
By clicking any of these buttons you can like us.
error: Content is protected !!