अमेरिकामा कुनै लेखरचना, साहित्य, पुस्तक वा कागजात अँग्रेजीमा प्रोफेशनल अनुवाद गर्नुपरेमा वा लेख्नुपरेमा सम्पर्क गर्नुहोला । professionallytranslate@gmail.com

पुननिर्माणपछि यस्तो बन्यो भूकम्पबाट भत्किएको बौद्धनाथ

– निश्चल अमात्य 

भूकम्पबाट भत्किएको बौद्धनाथ स्तूपाको पुननिर्माण कार्य सम्पन्न भएको छ । बौद्धनाथ क्षेत्र विकास समितिको संयोजन, पुरातत्व विभागको प्राविधिक सहयोग, विभिन्न संघसंस्था तथा निकायको आर्थिक सहयोगमा स्तूपाको निर्माण गरिएको हो ।

गतवर्ष भूकम्पले भत्किएको यो स्तूपा सबैभन्दा छिटो जीर्णोद्धार भएकोे विश्व सम्पदामा सूचीकृत सम्पदा हो । गतवर्ष जेठ महिनामा सुरु गरिएको पुनःनिर्माण कार्य सत्र महिनामा सम्पन्न भएको छ ।

बौद्धनाथ क्षेत्र विकास समितिका अध्यक्ष सम्पूर्णकुमार लामाका अनुसार जीर्णोद्धारमा २२ करोड रुपियाँ खर्च भएको छ । भारत काँगडास्थित पल्पुङ मोनाष्ट्रीका ताइ सितुपा रिम्पोछेबाट ३० किलो सुन उपलब्ध भएपछि जीर्णोद्धार कार्य सहज भएको थियो । जीर्णोद्धारमा करिब ६० लाख रुपियाँबराबरको जनश्रमदानसमेत भएको छ ।

जीर्णोद्धार सम्पन्न भएलगत्तै स्तूपको गजुर क्षेत्रमा रहेको १९ वटा सिलबन्दी बाकसलाई गजुर क्षेत्रमै साविक अवस्थामा राखिएको छ । जीर्णोद्धारका क्रममा यी बाकसलाई गजुर क्षेत्रबाट झिकेर बौद्ध घ्याङ गुठीमा राखिएको थियो । यी बाकसमा के छन् भन्ने कुरा खुल्न सकेको छैन । बौद्ध धर्मावलम्बीले यी बाकस खोल्न हुन्न भन्ने आवाज उठाएपछि ती बाकसलाई गजुर क्षेत्रमा राखिएको हो । सिलबन्दी बाकस तिब्बती कलाशैलीमा निर्मित छन् भने कुनै साधारणखाले ट्याङका छन् ।

गजुर र यसभन्दा तलको त्रयोदस भुवन भनिने धातु रहेको स्थानमा ३० किलो सुनको मोलम्बा लगाइएको अध्यक्ष लामाले जानकारी दिनुभएको छ । मङ्सिर ३ गते विशेष उत्सवका साथ पूजा अर्चना गरिएपछि स्तूप सर्वसाधारणका लागि खुला गरिने जनाइएको छ । बौद्ध घ्याङ गुठी, स्थानीय युवा क्लब र बौद्धमार्गीले जीर्णोद्धारमा महवपूर्ण भूमिका निर्वाह गरेका थिए ।

फोटो : निश्चल अमात्य
फोटो : निश्चल अमात्य
फोटो : निश्चल अमात्य
फोटो : निश्चल अमात्य
फोटो : निश्चल अमात्य
फोटो : निश्चल अमात्य
फोटो : निश्चल अमात्य
फोटो : निश्चल अमात्य
फोटो : निश्चल अमात्य
फोटो : निश्चल अमात्य

 

शुक्रबार, कार्तिक १९, २०७३ मा प्रकाशित

सम्बन्धित सामाग्री