डिभी लोटरी बन्द गर्ने विधयेकबारे ट्रम्पको गृहकार्य तीब्र

डिभी लोटरी बन्द गर्ने विधयेक सदनबाट पारित गराउनका लागि अमेरिकी राष्ट्रपति डोनाल्ड ट्रम्पले गृहकार्य तीब्र पारेका छन् । उनले आफ्ना सहयोगी स्टेफन मिलरका साथमा दुई रिपब्लिकन सिनेटरहरु टम कटन र डेभिड पर्ड्युसँग मिलेर यसबारे गृहकार्य गरिरहेको जनाइएको छ । ट्रम्पले डिभी लोटरी बन्द गर्नुका साथै आप्रवासीसम्बन्धि अन्य कार्यक्रमहरुमा कटौती गर्ने कानुन ल्याउनका लागि गृहकार्य गरिरहेका छन् ।

अहिले हरेक बर्ष १० लाख आप्रवासीहरुले अमेरिकामा ग्रिनकार्ड पाउने गरेकोमा त्यसलाई कटौती गरेर सन् २०२७ सम्ममा पाँच लाखमा झार्ने योजना अनुरुप नयाँ कानुन ल्याउन लागिएको हो । जसका लागि अर्कान्ससका सिनेटर टम कटन र जर्जियाका सिनेटर डेभिडसँग ट्रम्पले काम गरिरहेका छन् । आगामी विधयेक गत फरबरीमा डेभिड र टिम कटनले सार्वजनिक गरेको डिभी लोटरी खारेज गर्ने सम्बन्धि विधयेककै अझ विस्तृत रुप भएको बताइएको छ । नयाँ विधयेक समरको अन्त्यतिर सदनमा पेश गर्ने तयारी भइरहेको छ ।

नयाँ विधयेकमा डिभी लोटरी बन्द गर्ने र शरणार्थी संख्या कटौती गर्ने महत्वपूर्ण विषय समावेश हुनेछ भने केही पारिवारिक आधारमा दिइने ग्रिनकार्डको कोटा पनि खारेज हुनसक्ने जनाइएको छ । तर निश्चित विषयमा अमेरिकन डिग्री लिएकाहरुलाई प्वाइन्ट सिस्टमका आधारमा ग्रिनकार्डका लागि योग्य ठहराउन सकिने जनाइएको छ ।

अमेरिकाको सरकारी श्रोत अनुशार डिभी लोटरी कार्यक्रम सुरु भएदेखि अहिलेसम्म झण्डै ५० हजार नेपालीहरुलाई डिभी लोटरी परिसकेको छ । अमेरिकी सरकारको ब्यूरो अफ कन्सुलर अफेयर्सका अनुशार सन् २००२ देखि सन् २०१७ सम्मको डिभी लोटरी कार्यक्रम अन्तरगत डिभी लोटरी पार्ने नेपालीहरुको संख्या ४७ हजार ५ सय ९२ रहेको छ ।

इतिहास हेर्दा सन् २००२ का लागि भरिएको डिभी चिठ्ठामा ७२९ जनालाई, सन् २००३ का लागि भरिएको डिभी चिठ्ठामा २३ सय २० जनालाई , सन् २००४ लागि भरिएको डिभी चिठ्ठामा ४२ सय ५९ जनालाई चिठ्ठा परेको थियो । सन् २००५ मा डिभी चिठ्ठा परेका जम्मा १५ सय ४५ नेपाली अमेरिका आएका थिए ।

त्यसैगरी सन् २००६ का लागि भरिएको डिभी चिठ्ठामा १९ सय ३४ जनालाई , सन् २००७ का लागि भरिएको डिभी चिठ्ठामा १५ सय २९ जनालाई, सन् २००८ का लागि भरिएको डिभी चिठ्ठामा २५ सय ६२ जनालाई, सन् २००९ का लागि भरिएको डिभी चिठ्ठामा १८९१ जनालाई , सन् २०१० का लागि भरिएको डिभी चिठ्ठामा २१ सय ३२ जनालाई र सन् २०११ का लागि भरिएको डिभी चिठ्ठामा २१८९ जना नेपालीहरुलाई चिठ्ठा परेको थियो । सन् २०१२ का लागि भरिएको डिभी चिठ्ठाको नतिजा अन्तरगत जम्मा ३२ सय ५८ जना नेपालीहरुलाई यो चिठ्ठा परेको थियो ।

त्यस्तै सन् २०१३ का लागि भरिएको डिभी चिठ्ठामा ४३७० नेपालीलाई यो चिठ्ठा परेको थियो भने सन् २०१४ का लागि भरिएको डिभी चिठ्ठामा ६ हजार ८२ नेपालीलाई यो चिठ्ठा परेको थियो । सन् २०१५ का लागि भरिएको डिभी चिठ्ठामा ४ हजार ९ सय ९१ जना छनौट भएका थिए । तर उनीहरुमध्ये हजारौं नेपालीहरु भने अमेरिका आउन पाएनन् । सन् २०१६ का लागि भरिएको डिभी चिठ्ठामा ३८ सय १ जना नेपाली छनौट भएका थिए भने चालु आर्थिक बर्ष २०१७ का लागि ४ हजार नेपालीहरुले डिभी लोटरी पारेका थिए ।

आइतवार, साउन १, २०७४ मा प्रकाशित

सम्बन्धित सामाग्री



अमेरिकामा नेपाली र नेपाली सम्बन्धित कानुनी कार्यालयहरु

क्षेत्री एण्ड एसोसिएट्स पीसी

ल अफिस अफ बासुदेव फूलारा

मुनगोभन एण्ड एसोसिएट्स 

श्रेष्ठ ल फर्म

ल अफिस अफ केशवराज सेडाई

ल अफिस अफ गिरिजा प्रसाद गौतम



Like us on Facebook
error: Content is protected !!