पार्टी एकताका लागि बाबुराम र उपेन्द्र सहमत
प्रकाशित मिति : बैशाख ८, २०७४ शुक्रबार
नयाँ शक्ति पार्टी नेपाल र संघीय समाजवादी फोरम छिट्टै पार्टी एकता गर्न सहमत भएका छन् ।
नयाँ शक्तिका संयोजक डा. बाबुराम भट्टराई र संघीय समाजवादी फोरमका अध्यक्ष उपेन्द्र यादवले शुक्रबार संयुक्त वक्तव्य जारी गर्दै पार्टी एकता संयोजन समिति गठनको घोषणा गरेका छन् ।
दुई पार्टीका प्रमुख डा.भट्टराई र यादवसँगै संघीय समाजवादी फोरमका संसदीय दलका नेता अशोक राई पनि रहेका छन् ।
पार्टी एकतालाई निष्कर्षमा पुर्याउन ‘पार्टी एकता संयोजन समिति’ गठन भएको जनाईएको हो ।
वक्तव्यमा समितिले वर्तमान आन्दोलनमा कार्यगत एकताको माध्यमबाट सहकार्य गर्दै पार्टी एकताको कार्यलाई यथाशीघ्र तार्किक निष्कर्षमा पुर्याउने सहमति भएको छ जनाईएको छ ।
सरकारलाई संघीय गठबन्धन, मधेशी मोर्चा तथा ६८ दलीय संयुक्त संघर्ष समितिले अघि सारेका माग सम्बोधन गरी निर्वाचनको वातावरण बनाउन आग्रह समेत गरेका छन् ।