क्यानडाको निडर नारी सम्मेलनमा बिष्णुमायाले जगाइन् उत्प्रेरणा

क्यानडामा सम्पन्न निडर नारी सम्मेलनमा अमेरिका निवासी नेपाली अधिकारकर्मी बिष्णुमाया परियारले सहभागीमाझ उत्प्रेरणा जगाएकी छिन् । मुख्य वक्तामध्येकी एकका रुपमा सहभागी उनले कार्यक्रममा उपस्थीतहरुलाई आफ्नो संघर्ष र सफलताको कथा सुनाएकी थिइन् । कार्यक्रम वन वुमन अर्गनाइजेशनले क्यानडाको ओन्टारिओमा गरेको हो ।

सम्मेलनमा निडर कथा हुने चर्चित महिलाहरुलाई उनीहरुका सफलता र संघर्षको कथा सुनाउनका लागि वक्ताका रुपमा बोलाइएको थियो । उनीहरुले समाजका सबै महिलाहरुलाई उत्प्रेरणा हुनेगरी आफ्ना संघर्षका कथाहरु सुनाएका थिए ।

अमेरिकाको न्युजर्सी राज्यको जर्सी सिटी शहरका मेयर स्टेभन फुलपकी डाईभर्सिटी एण्ड ईन्क्लुसन बोर्ड सल्लाहकार समेत रहेकी डा. परियारको संस्था एड्वानको शैक्षिक कार्यक्रमबाट स्थापना काल सन् १९९८ देखी हालसम्म १५ हजार बढी बालबालिकाहरु लाभान्बित भएकाछन् । महत्वाकांक्षी छात्राकोषबाट २३२ जना किशोरी विद्यार्थीहरुले कलेज स्तरको उच्च प्राबिधिक शिक्षा हाँशिल गर्न सफल भएका छन् ।

यो साल सन् २०१८ मा थप १०० जना विद्यार्थीहरुले महत्वाकांक्षी छात्राकोष प्राप्त गर्ने घोषणा गरिएको छ । एड्वानले नेपालका बिपन्न र दलित समुदायका ५० हजारभन्दा धेरै महिलाहरु र तिनका परिवारलाई सामाजिक रुपान्तरणमा लाभान्बित गर्दै आएको छ ।

आइतवार, असार २४, २०७५ मा प्रकाशित

Leave a Reply

Your email address will not be published. Required fields are marked *

सम्बन्धित सामाग्री

WP Facebook Auto Publish Powered By : XYZScripts.com