गाईजात्रासँगै लाखेंजात्रा

गोदावरी नगरपालिकास्थित चापागाउँ र ठेचोेमा प्रत्येक वर्ष मनाइँदै आएको गाईजात्रा यस वर्ष पनि भव्यताका साथ मनाएको छ ।

गाईजात्रासँगै परम्परागतरुपमा चल्दै आएको लाखें नाच समेत देखाउने प्रचलन छ । गाईजात्राका दिन गाईलाई लक्ष्मीको रुपमा सिंगारेर बजार परिक्रमा गराउने प्रचलन छ ।

जात्रा हेर्न यहाँ गोदावरी, लेले, छम्पी, धापाखेल, देवीचौरलगायतका क्षेत्रबाट व्यापक रुपमा मानिसहरुको उपस्थिति रहेको गोदावरी नगरप्रमुख गजेन्द्र महर्जनले बताउनुभयो । उहाँका अनुसार आजका दिन नेवारी परम्पराअनुसार यस वर्ष दिवङ्गत भएका परिवारका सदस्यले दान गरेमा मृत आत्माले शान्ति पाउने र स्वर्गलोकमा बास हुने विश्वास छ ।

स्थानीय सन्तवहादुर देशारका अनुसार गाईजात्रासँगै मनाइने लाखेंजात्रा नेवारी समुदायको प्रत्येक टोल–टोलमा मनाउने चलन छ । लाखेंको रुपमा नाच्ने व्यक्तिले आफ्नो अनुहार नदेखिने गरी मकुन्डो लगाउने गर्दछ भने उक्त मकुन्डोमा लामो खालको कृत्रिम कपाल समेत रहने गरेको उहाँले बताउनुभयो । रासस


नुवाकोटको साततले दरवारक्षेत्रको इन्द्रचोकमा मंगलबार गाइजात्राको अवसरमा लाखे नाच नाच्दै । तस्बिर : नवदीप श्रेष्ठ, नुवाकोट, रासस


नुवाकोटको साततले दरवारक्षेत्रको परिसरमा मंगलबार निकालिएको गाईजात्रा । त्रिशूली, बट्टार, देविघाट, दुईपिपल, बेत्रावती लगायतका क्षेत्रमा मंगलबार गाईजात्रा पर्व मनाइएको छ । तस्बिर : नवदीप श्रेष्ठ, नुवाकोट, रासस


गाइजात्रा पर्वको अवसरमा आज गोरखामा बसोबास गर्ने नेवार समुदायले सदरमुकाममा निकालेको जात्रा । तस्बिर : प्रशन्न पोखरेल, गोरखा, रासस


आफ्नो दिवंगतहरुको सम्झनामा मंगलबार भक्तपुरमा निकालिएको गाइजात्रामा सहभागीहरु । दिवंगत आत्माको चिरशान्तिका लागि ताहसा (गाईको प्रतिक) बनाएर मृतकको तस्बिर राखेर विभिन्न बाजागाजासहित घिङताङघिसिं नाच्दै नगरपरिक्रमा गर्ने गरिन्छ । तस्बिर : रत्न श्रेष्ठ, रासस ।

बुधबार, साउन २५, २०७४ मा प्रकाशित

सम्बन्धित सामाग्री

Like us on Facebook